කලාත්මක ඡායාරුපයක් නිර්මාණයේදී වැදගත් වන මුලික කරුණු වන ඡායරුපයේ සැකැස්ම ගැන මෙන්ම ඡායරුප ගැනීමේදී එහි අනාවරණය ගැන තොරතුරුත් මිට කලින් පොස්ට් දෙකෙන් අපි ඉගෙන ගත්තා. අද අපි කතාකරන්නේ ආලෝකය සහ කාච භාවිතා කලයුතු ආකාරය ගැන.
ස්වභාවික ආලෝකය. (available light)
හැකි සැම විටම එම අවස්ථාවේ පවතින ස්වභාවික ආලෝක ප්‍රභවය භාවිතා කිරීමෙන් ඡායාරුපය ගැනීමට උත්සහ කරන්න. ෆ්ලෑෂ් (flash) ආලෝකය භාවිතා කිරීමෙන් එම අවස්ථාවේ ස්වභාවික තත්වය (intimate mood) විනාශ විය හැක. (ෆ්ලෑෂ් ආලෝකය නිර්මාණශීලිව භාවිතය ගැන වෙනම කතා කරමු ) රාත්‍රී කාලයේදී ද, හැකිනම් ස්වභාවික ආලෝකයෙන් ඡායාරුපය නිර්මාණය කිරීමට උත්සහ ගන්න.
 |
| Fuji HS20 Camera : 1.5 sec , f 2.8, ISO 200 |
 |
| Fuji HS20 Camera : 1/26 sec , f 2.8, ISO 800 |
පැති ආලෝකය භාවිතය. (using sidelight)
හැකි සෑම විටකම පැති ආලෝකයක් භාවිතා කරන්න. අලේඛ්‍ය (Portrait) ඡායාරුප වලදී කෙලින්ම ඉදිරිපසින් වැටෙන ආලෝකයෙන් ගැඹුර නොපෙනී යන අතර (flatten effect) කෙලින්ම හිස මතට ආලෝකය පතිත වීමෙන්, ඇස් සහ නිකට යට අඳුරු පැහැ ගැනේ. උදයේ සහ සවස ඇති හිරු එලිය පති ආලෝකය සපයන හොඳ ආලෝක ප්‍රභවයන් වේ. එමෙන්ම ජනෙල්, දොරවල් තුලින් ලැබෙන ආලෝකය පැති ආලෝකයක් ලෙස යොදාගත හැක. පහත ඇත්තේ ජනේලයක් තුලින් ලබාගත් ආලෝකයෙන් ගත් ඡායාරුපයකි.
 |
| Fuji S2950 camera: 1/30, f 5.3, ISO 800 |
 |
| Nikin D5100 camera: 1/250, f 5.3, ISO 250 |
-4.jpg) |
| Nikin D5100 camera: 1/30, f 5.3, ISO 800 |
Against the Light
ඡායාරුප ගැනීමේ සම්මත ක්‍රමය වන්නේ, ආලෝක ප්‍රභවය ශිල්පියාට පිටිපසින් පිහිටන ආකාරයට වස්තුව ස්ථාන ගතකිරීමයි. නමුත් මෙම ක්‍රමයේදී කැමරාව ඉදිරියෙන් ආලෝක ප්‍රභවය පිහිටන ලෙස වස්තුව ස්ථාන ගත කෙරේ. මෙම ක්‍රමය Against the Light Photography නැතහොත් silhouette Photography ලෙස හඳුන්වයි. මේ ගැන විස්තරාත්ම ලිපියක් පසුවට.
 |
| Fuji HS20 camera: 1/280, f 3.6, ISO 100 |
Flash Photography
ඉතා සුලබ ලෙස බාවිතා කරන කෘත්‍රීම ආලෝක ප්‍රභවය වන්නේ Flash Gun එකය. බොහෝවිට Flash කිරීමේදී භාවිතා කරන්නේ කැමරාවෙහි ඇති ෆ්ලෑෂරය හෝ අතිරේක Flash Gun එක කැමරාවට සවිකර වන අතර, එසේ direct flash ලබා දීමෙන් කලාත්මක ඡායාරුප නිර්මාණය අපහසු වේ. නමුත් Flash Guns කීපයක් භාවිතා කිරීමෙන්, ෆ්ලෑෂ් කිරීමෙන් ලැබෙන ආලෝකය පරාවර්තනය කර වස්තුව වෙත යොමු කිරීමෙන් සහ කැමරාවට සවි නොකර flash එක භාවිතයෙන් අපට අවශ්‍ය ලෙස ආලෝකය සපයා ගත හැක. මේ ගැනද වෙනම කතා කරමු.
 |
| Fuji S2950 camera: 1/50, f 4.2, ISO 100 |
කෘත්‍රිම ආලෝකය
ෆ්ලෑෂ් ආලෝකය කෘතීම ආලෝකයක් උවද මෙහෙදී මා විශේෂ අවධානය යොමු කරනුයේ රිෆ්ලෙක්ටර් උපයෝගී කරගෙන ආලෝකය සැපයීමය.
මෙවැනි අවස්ථාවන් හිදී, ආලෝක ප්‍රභවය ලෙස CFL බල්බ්, flash ගන්ස් වැනි ආලෝක ප්‍රභවයන් භාවිතා කල හැක. ඔබ සතුව මෙවැනි උපකරණ කට්ටලයක් තිබේ නම් විවිධ පැති වලින් ආලෝකය සපයා ඡායාරුප ගත හැක. පහත දක්වනුවේ එලෙස CFL බල්බ් යොදා ගනු ලැබූ ආලේඛ්‍ය ඡායරුපයකි.
 |
| Fuji HS20 camera: 1/100, f 4.5, ISO 1600 |
උපයෝගී කරගන්නා කාචය.
ඡායාරුප ගත කිරීමේදී, ඒ සඳහා භාවිතා කරන කාචයේ නාභි දුර ගැන සැලකිලිමත් වන්න. දර්ගන (landscape, seascape ) සඳහා අඩු නාභි දුරක් ඇති කාච (wide angle lens) සුදුවූ වන අතර, එමගින් වැඩි පරාසයක ඡායාරුපයක් ගැනීමට හැකි වීම මෙන්ම වැඩි ශේෂ්ත්‍ර ගැඹුරක් ඇති ඡායාරුපයක් ලබාගත් හැක. පළමුවෙනි ඡායාරුපය බලන්න.
අලේඛ්‍ය ඡායාරුප සඳහා මධ්‍යස්ත ප්‍රමාණයේ ටෙලි ලෙන්ස් වඩා සුදුසු වේ. නාභි දුර 80 - 135 දක්වා. එයින් පසු බිම අපැහැදිලි කර රුපය ඉස්මතු කල හැක. 4 වෙනි ඡායාරුපය බලන්න.
වන ජීවී ඡායාරුප කරණයේදී මෙන්ම sports photography වලදී අනිවාර්යයෙන්ම අවම ලෙස මි.මි. 200 ක හෝ නාභි දුරකින් යුත් කාචයක් භාවිතා කල යුතු වේ. නමුත් කුරුල්ලන්ගේ ඡායාරුප ගැනීම සඳහා නම් අවම ලෙස මි.මි. 300 ක හෝ නාභි දුරකින් යුත් කාචයක් අවශ්‍ය බව මගේ අත්දැකිම වේ.
පසු සටහන.
පසු ගිය ලිපි 3ම ඡායාරූපකරණය පිළිබඳව ම එක දිගට පලකලේ ඒ ලිපි අතර සම්බන්ධ තාවයක් තිබු බැවිනි. මෙම ලිපි තුනම කලාත්මක ඡායාරුපයක් සකස්කර ගන්නේ කෙසේද යනුවෙන් එක මාතෘකාවක් යටතේ ගොනුකළ හැක.
ඡායාරුප කරණය ගැන පළවූ මේ ලිපි කිහිපය පරිශීලනය කිරීමෙන් ආධුනිකයෙනුට සැහෙන තරම් අවබෝධයක් ලබාගත හැක. දිගින් දිගටම ඡායාරුපකරණය පිලිබඳ ලිපි පළකිරීම කල යුතුද යන්න පිලිබඳ කුකුසක් ඇතිවී ඇත. මා වෙත ලැබුණු ඊ-මේල කීපයකින් කියා සිටියේ මේ විෂය සම්බන්ධයෙන් කරුණු දැක්වීම ප්‍රමාණවත් බවය.
කොහොමද මගේ පොරජා තන්තරේ ... ?
අවසන් වශයෙන් මේ ලිපි කීපය පලකිරීමට අවශ්‍ය වූ ඡායාරුප ලබාදීමෙන් සහ වරින් වර නිරුපන ශිල්පියෙකු වීමෙන්ද අනගි සහයක් දුන් මගේ පුත්‍ර රත්නය වන චමිඳු විකුම්ශ්‍රී ට මගේ ස්තුතිය පිරිනමමි.
මම ඔක්කෝම කියෙව්වේ නැත්තේ දැනට වැඩක් නැති හින්දා. ඒත් ඔක්කොම පසුවට කියවන්න වෙන බව දන්නව නෙව. ඒක හින්දා ඔබගේ උත්සාහය ඉතා වටිනවා මට නං.. ඇති යාන්තං මේක ඉවර කරා. හ්ම්.. දැං එහෙනං හොද කතා දෙක තුනක් දාමුකෝ බලන්ට අයියා...
ReplyDeleteඔබගේ අදහස් දැක්වීමට ස්තුතියි, නිශාන්
Deleteමම නම් ඇත්තටම ඡායාරූපකරණය ගැන ලියවුන මේ ලිපි මාලාව නිසා සෑහෙන දෙයක් ඉගෙන ගත්තා. සමහර සංකීර්ණ දේවල් පවා සරලව උදාහරණත් එක්කම කියල දුන්න නිසා ඒ දේවල් ඉගෙන ගන්න එක ගොඩක් ලේසි උනා. ඒ නිසා මටනම් මේ ලිපි පෙල ගොඩක් වටිනව.
ReplyDeleteඅනිත් අතට ඡායාරූපකරණය ගැන විතරක්ම ලිපි පල උනොත් ඒ ගැන ඒ තරම් උනන්දුවක් නොදක්වන අයට ඒක නීරස වෙන්න පුලුවන් තමයි.
ඉතින් මං නම් යෝජනා කරන්නෙ සම්පූර්ණයෙන්ම ඡායාරූපකරණය ගැන ලියන එක නතර නොකර, අනිත් ලිපි ලියන අතරෙ, ඉඳල හිටල හරි ඡායාරූපකරණය ගැන ලියවුන ලිපිත් පළ කරන්න කියල.
මගේ අදහසත් මේකම තමා.... මට කියන්න ඕන වෙලා තිබ්බ සේරම ටික චාම්ස් කියල. ඒ නිසා මං ආයෙත් අමුතුවෙන් කෙටුවේ නෑ ඕන්......
Deleteචම්ස්, සමනලී ඔය දෙන්නගේ අදහස් දැක්වීමට ස්තුතියි
Deleteමහත්මයාණනි,
ReplyDeleteඕනදෙයක් එකදිගට ලියන කියන කරනවිට එපා වෙනබව ඇත්තක්, නමුත් ඔබගේ ලිපි පෙළ මානම් ඉතා ආශාවෙන් වැලදගත්තක්,මිට පෙර PhotographyLK,Photo Comments,Nature and Wildlife Photogrhapy වගේ අඩවි කිහිපයක් ඉතා සාර්ථක ලෙස ගොඩක් දැනුමක් ලබා දුන්නත් PhotographyLK අඩවිය පමණයි දැන් ඉද හිට මාසයක සැරයක් හෝ ලිපියක් පල වෙන්නේ,මෙහි වටිනාකම හරියට නොදත් කෙනෙකුට හෝ, ඔබට වඩා අඩු දැනුමක් ඇති අය ඔබේ දැනුම ගැන හා දැනුවත් වෙන අය ගැන යම්කිසි ඉර්ශ්‍යවකින් පෙලෙන අයෙක් නෙවෙයිනම් ඔබට මේල් නොඑවන බව මගේ විස්වාසයයි, මෙම ලිපිපෙළ සහමුලින්ම නවතා නොදමා ඉඩහිටහෝ තවදුරටත් අපව දැනුවත් කරන්නේනම් ඔබට ස්තුතිවන්තවෙමි,
ඔබගේ වටිනා අදහස් දැක්වීමට ස්තුතියි, අමිල
Deleteකොටස් දෙක තුනක්ම මග ඇරිලද මන්දා :(
ReplyDeleteමටත් හිතෙන්නේ ඒ වගේ ශම්මි.
Deleteචාම්ස් උඩිං කියල තියෙනව වගේ මේ වගේ විෂයානුබද්ද ලිපි දිගටම දාපුවාම ඒ ගැන උනන්දුවක් නැති අය බ්ලොග් එකෙන් හැලෙන්න පුලුවං.
ReplyDeleteනමුත් වෙනත් ලිපි අතරට මේ වගේ ලිපි දැම්මයි කියල ප්‍රශ්නයක් වෙන්නෙ නෑ. ඒ නිසා අනිත්වත් ලියන ගමං මේ ගැනත් තවදුරටත් ලියන්න.
ඔබගේ අදහස් දැක්වීමට ස්තුතියි, ප්‍රසන්න
Deleteබ්ලොගින් කියන විනෝදාංසෙන් ලබපු විනෝදය අඩු වේගන යනවා..
ReplyDeleteඉස්සර ෆොටෝ ග්‍රැෆි ගන මෙලෝ දෙයක් නොදන්න කාලේ රීල් දාන පොකට් කැමරාවක් තියාගෙන හතර අතේ ෆොටෝ ගැහුවා - අතේ තියෙන තුට්ටු දෙක ඉවර වෙනකම් ෆොටෝ ප්‍රින්ට් කලා.
දැන් ආයේ හිතෙනවා මේ ලිපි බලලා ෆොටෝග්‍රැෆි විනෝදාංසෙට අපහු බැස්ස නම් කියල
අහ් අර පොඩි කොලු පැටිය අයිලාෂ්ගේ පොඩ්ඩද?
අර මැද ඉන්න හැන්ඩියා අයිලාෂ්ද? :D
නියම අදහස මචන්. ඇත්තටම photography කියන්නේ නියම විනෝදාංශයක්. stress relief එකට මරු.
Deleteඔව් බන් පොඩි එකා මගේ කොලු පැටියා, ඒ කොටස පොස්ට් එකේ අහු උනේ නැතිද?
හි.... හි... ඒ මන් නෙවේ බන්, තවම මගේ self portrait එකක අරගෙන නැහැ. ඌ මන් දන්නා එකෙක්. බොහෝ දෙනෙක් portrait කීවම හිතන්නේ කෙල්ලන්ගේ එහෙම නැත්නම් වයසට ගිය අයගේ portrait ගැන. කොල්ලෙක්ගේ portrait එකක් ගැන හිතනවා අඩුයි. ඒ නිසාමයි මුගේ portrait එක දැම්මේ, එකේ පිරිමියෙක් ගේ ලක්ෂණ තියෙනවා කියලා මට හිතෙනවා.
අඩේ අන්තිම කෑල්ල කියවන්නේ නැතුවනේ කොමෙන්ට් එක ලිව්වේ . .. හෙ හෙ හේ
Deleteඇත්තම කිව්වොත් මං කැමතියි මේ ලිපි ටික ඉවර උනාට... මට මෙව්වා මෙලෝ දෙයක් තේරෙන්නෙත් නෑ... දාන්න කොමෙන්ට් හිතා ගන්නත් බෑ..
ReplyDeleteඒත් මේ විෂයට කැමති අයට නම් අයියා කළේ ලොකු සේවයක්..
ඔබගේ අදහස් දැක්වීමට ස්තුතියි, යසිත් මල්ලි.
Deleteෆොටෝග්‍රැෆි වලට ආස අපිවගේ අයට මේ පාඩම් මාලාව ගොඩක් වැදගත් අයිලාස් අයියේ. මම නම් කියන්නේ පොස්ට් දෙක තුනකට එකක්වත් ෆොටෝග්‍රැෆි ගැන දාන්න.
ReplyDeleteඔබගේ අදහස් දැක්වීම ගොඩක් අගය කරනවා. ස්තුතියි, පැතුම්
Deleteමට තව දේයක් දැන ගන්න ඕන.ෆෝටෝ එකක් ගන්න විට කුමන ප්‍රමාණයකට ගත් යුත්තේ
ReplyDeleteමනසින් දිවියට ගොඩ වඳින්න(සරල බව සහ තදබල උනන්දුව)
ප්‍රශ්නය පැහැදිලි මදි ගයනි.
Deleteඅපි ඩිජිටල් කැමර් එකකින් ෆොටෝ එකක් ගන්න වා නම් කුමන ප්‍රමාණයක්ද තිබිය යුත්තේ
Deleteඔයා අහන්නේ ෆොටෝ එක ගන්න ඕන සයිස් එක ද?
Deleteඑක තීරණය වෙන්න ඕනේ ඔය ෆොටෝ එකෙන් කරන්න යන වැඩේ අනුව. නෙට් එකට අප්ලෝඩ් කරන්න විතරක් නමු small size එකෙන් ගත්තම ඇති. ප්‍රින්ට් කරන්න බලාපොරොත්තු නම්, ප්‍රින්ට් සයිස් එක මත තීරණය කරන්න ඕනේ. නමුත් ලොකු enlargments print කරන්න බලාපොරොත්තු වෙනවා නම් large size එකෙන් ෆොටෝ ගන්න. එතකොට ඔයාගේ memory card එකට ඇතුල් කරන්න පුළුවන් ෆොටෝ ප්‍රමාණය අඩු වෙනවා. ඒ ගැනත් කල්පනාකාරී වෙන්න.
මත විමසුමේ උඹ දීලා තියෙන්නෙ ඔප්ෂන් දෙකයි.
ReplyDeleteමට ඕනෙ ඒ එකක්වත් නෙවෙයි.
ඡායාරූප ශිල්පය ගැන වගේම අනිත් දේවලුත් මිශ්‍රව පළ කරන එක තමයි මට හිතෙන්නෙ සුදුසුයි කියලා. ඡායාරූප ශිල්පය ගැන පළ වෙච්ච ලිපි හරිම වැදගත් බවත් ඒ එක්කම කියන්න ඕනෙ.
දැන් ඉතින් උඹේ මතය දන්නවනේ..
Deleteඡායාරූප මුද්‍රණය කිරීමේදී 3R, 4R, 5R... ලෙස ශ්‍රෙණි ගත කිරීම සහ ඒවා අවස්ථාව අනුව සුදුසු පරිදි ගලපාගැනීම සඳහා (වෙඩින් ෆොටෝ සඳහා සම්මත ප්‍රමාණයක්) පදනමක් තිබේද?
ReplyDelete3R නම් දැන් බාවිතා වෙන්නේ නැහැ නේද? ඔය ප්‍රමාණ ඉතින් තමන්ගේ අවශ්‍යතාවය මත තීරණය වෙන්න ඕනේ.
DeleteWedding Photography කියන එක ගැන කතා කරන්න ගියොත් වෙනම පොස්ට් එකක්? ඇත්තෙන්ම Wedding Photography කියන දේ අද බල්ලට ගිහිල්ලා. අධි තාක්ෂණික ඇල්බම් සහ අධි තාක්ෂණික කැමරා වලින් මේ දේ ගිලගෙන. සමහර ඇල්බම් බලන්න බෑ හිරිකිතයි. මේ ලඟදි මම දැක්කා මනමාලයා ටොයිලට් එකේ චු කරන දිහා, මනමාලි බලන් ඉන්න ෆොටෝ එකක්, මේ කලාවද? වෘත්තීය ඡායාරුප කරණයද?
වෘත්තීය ඡායාරුප ශිල්පින් ලෙස බොහෝවිට පෙනීසිටින්නේ අධි තාක්ෂණික කැමරාවක් අතින් ගත්ත එකෙක්. පුළුවන් තරම් ෆොටෝ ගහනවා 1000-2000 හෝ ඊටත් වඩා, ඩිජිටල් නිසා හොඳයි. අන්තිමේදී ග්‍රැෆික් ඩිසයිනර් කෙනෙක් අල්ලාගෙන ඇල්බම් එක බේරාගන්නවා. අපි ෆිල්ම් කැමරා වලින් wedding කරපු කාලේ ෆිල්ම් රෝල් 2-3 වඩා පාවිච්චි කලේ නැහැ. නිවැරදි මොහොත ග්‍රහණය කරගැනීමට ශිල්පියා දක්ෂ විය යුතුයි.
අනික අද මගුල සම්පුර්ණයෙන්ම ෆොටෝග්‍රෆර් අතට අරගෙන. හරියට ටෙලි නාටකයක් වගේ. මම නම් මේ ක්‍රමයට සම්පුර්ණයෙන්ම විරුද්ධයි. මම නම් හිතන්නේ ඒ සුන්දර දවසේ ස්වභාවික සුන්දරත්වය ග්‍රහණය කරගැනීමට ඡායාරුප ශිල්පියා දක්ෂ විය යුතු බවයි. අදටත් මම wedding එකක් බාරගන්නකොට මගේ ක්‍රමයට එකඟ නම විතරයි බාර ගන්නේ.
වටිනා කතාවක්. මගේ හොඳම යාලුවාගේ වෙඩින් එකට ආපු කැමරාමන් හොඳට බැනුම් ඇහුව උගෙ තාත්තගෙන්. කැමරා 3ක්. ඒ මදිවට මනාල ජෝඩුවට ආපු උන් එක්ක කතා කරන්න දෙන්නෙත් නැතුව පෝරුවෙන් බැස්ස ගමන් ආපහු එලියට ඇදගෙන ගියා ෆොටෝ ගන්න. අංකල් බලාගෙන ඉඳල බැරිම තැන "මහත්තයා අපිට ෆොටෝ එපා. ඇඩ්වාන්ස් මුදල ඔයාගෙ මහන්සියට තියාගෙන දැන් යන්න" කිව්වා. බොහෝම අමාරුවෙන් අපි කියල කියල ශේප් කරේ
Deleteමේ කාරනවා සංවාදයකට ලක්විය යුත්තක් වගේම ලඟදි වෙඩිමක් ගන්න ඉන්න අයයි, වැඩිහිටියෝයි හිතලා බලන්න ඕන දෙයක්, වෙඩිම කියන්නේ මෙතරම් රවටිල්ලකට ලක්විය යුත්තක්ද යන වග.
Deleteපිළිතුරට ස්තූති කරමි....
Deleteමෙන්න ඔබ කියන ඡායාරූපය
Deletehttp://www.facebook.com/photo.php?fbid=4449446078995&set=a.3893864549804.2142016.1374776560&type=1&theater
ඔව් එක තමයි.
Deleteමමනං ඔක්කොම ටික වගේ කියෙව්වා! මොකෝ මේක මගෙත් ආසම සබ්ජෙක්ට් එක නිසා! දිගටම ලියමු බං! ඒ අතරේ තව නෝමල් ස්ටෝරි ටිකුත් දාමු! නැත්නම් කැමරාකරණය ගැනම වෙනම බ්ලොග් එකක් පටන් ගමු!
ReplyDeleteඔබගේ අදහස් දැක්වීම ඉතාම වටිනවා. ස්තුතියි, නාඩියෝ
Deleteමගේ නම් අදහස ඔබ ලිවිය යුත්තේ ඔබට සතුටක් ගෙන දෙන දේවල් ගැන බවයි. බොහෝ දෙනා කියා ඇති පරිදි වරින් වර මේ මාතෘකාව යටතේ ලිපි පලකිරීම හෝ මේ සඳහා වෙනම බ්ලොගයක් පටන් ගැනීම ගැන ඔබට සිතා බැලිය හැකියි. එකිනෙකට සම්බන්ධ මේ කරුණු එක දිගට පලවූ පෝස්ට් වලින් දැක්වීම සුදුසු බවයි මට හිතෙන්නේ, මොකද ඔබ පෝස්ට් අතර විශාල කාල පරාසයක් නොතියන නිසා.
ReplyDeletesellout photography = silhouette photography?
තිසර මාත් හිතන්නෙ ඒක Silhouette photography කියලා තමයි. මේකා ඩිංක්ස් එකක් දාලා ඉන්න ඇති!:D
Deleteඑක printing mistake එකක් බන්. හැදුවා... දෙන්නටම ස්තුතියි.
Deleteඇත්තම කිව්වොත් මමනම් කැමති මේ ලිපිම දිගටම පලකරනවාට උනත් , ඒ තරමටම මේ ලිපි වල වටිනාකමක් තියෙනවා , ඒත් හැමෝටම එහෙම නොවෙන්න පුළුවන් එක නිසා වෙනත් පොස්ට් දාන අතර වරින් වර ජයාරූප ගැන පොස්ට් දාන්න මේ ලේබලය යටතේ,
ReplyDeleteස්තුතියි චමි, ඔබගේ අදහස් දැක්වීමට.
Deleteමටත් ගොඩක් ලිපි මඟ ඇරිලා තියෙන හැඩයි... මෙලෝ හසරක් දන්නේ නැති උනාට ෆොටෝ ගන්න මාත් ආසයි...
ReplyDeleteඔන්න ඔය ආසාව තමයි ඔයාව ඡායාරුප ශිල්පිනියක් කරවන්නේ.
Deleteඅනිත් කතා තියනව නම් ඒවත් දාන්න. ඒ උනාට මේව නවත්තන්න එපා. අනිත් මාතෘකා ගැන ලියන්න ඕන තරම් බ්ලොග් කාරයො ඉන්නවනේ
ReplyDeleteස්තුතියි උකුස්සෝ. කැමරාවට මොකක්ද තෝරාගත්තේ?
Deleteමටනම් හිතෙන්නේ ඔයා Samsung එක තෝරාගන්න ඇති කියලා.
ඉතාමත් ම වටිනා ලිපි පෙළක් අයිලාෂ් මේ.....හදවතින්ම වැළදගත් අඩවියක් වෙලා දැන් මෙතැන..
ReplyDeleteබොහොම ස්තුතියි නලින්, අදහස් දැක්වීමට
Deleteඅනේ... ඇත්තද ඈ .....
ReplyDeleteඉතාමත් වටිනා ලිපි පෙළක් චායාරුපකරණය ගැන දිගටම ලියන්න ජය පතනවා ...
ReplyDeleteලියමු... ලියමු..
Deleteඕන් කියෙව්වා පෝස්ටු පහ හයක්ම ...හෙමීට අනිත් ටිකත් කියවන්නම්කො ... ස්තුතියි මේ ලිපිවලට ..
ReplyDeleteදැනුමක් ලබාගත්තා නම් සතුටුයි.
Delete