කොකා බාස් -කොකා කුඩුව හදන හැටි

මගේ කලින් පොස්ට් එකේ කියලා තිබුනේ  මං  තුමා ගේ ෆොටෝ සිහිනය ගැන නේ.  ඉතින් මේ පොස්ට් එකෙන් මම හිතුව ටිකක්  දකින්න අපහසු ෆොටෝ කැලි කීපයක්   පෙන්නන්න කියලා.  පහුගිය දවස් වල දිග සති අන්තයක් තිබුන නිසා අපි ගියා නුවර. නුවර ගියොත් මං  තුමා  කැමරාව අරගෙන වැව රවුමේ කැරකෙන එක නම් වරදින්නේ නැහැ.

මහනුවර  ස්විස් හෝටලය ඉදිරිපස වැව  අයිනේ තියෙන විශාල ගහක් දියකාවන් තමන්ගේ නිවහන කරගෙන ඉන්නවා. ඉතින් ඒ ගොල්ලන්ගේ ෆොටෝ දෙක තුනක් ගහගත්තා. ඊට පස්සේ මම දැක්කා ඔය ගහේම ලස්සන ලොකු කොක්කු දෙන්නෙක් කුඩුවක් හදන හැටි. ටිකක වෙලාවක්  බලාගෙන හිටියා. 

ඉස්සෙල්ලම කොකා ළඟ තියෙන වෙනත්  ගහකට පියබගෙන ගිහින් ඒ ගහෙන් තමන්ට ගැලපෙන කොටුවක් කඩාගෙන අපහු අර කුඩුව  හදන ගසට එනවා. එහෙම ඇවිත් තමන්ගේ සහකාරිය සමග කුඩුව  හැදීමේ නිරත වෙනවා. ඊට පස්සේ දෙන්න ටික වෙලාවක් විවේක ගන්නවා. අපහු කොටුවක් සොයාගෙන පියාඹනවා.

ඔන්න ඉතින් ඒ ටිකත් ෆොටෝ ගහගත්තා. බලන්නකෝ කොහොමද කියලා.