මාත් එක්ක එකතු වෙන්න

Wednesday, November 13, 2013

ඇට දෙකම කැඩුනොත් දොස්තර මොකක්ද කරන්නේ?

ඇට දෙකම කැඩුන වෙලාවක දොස්තරලා කරපු වැඩක් ගැන මං තුමා කලින් ලියලා තියෙනවා. අමතක අය මෙතනින් ගොහින් බලාන අවොතින් හොඳා. අපොයි මගේ ඇ* (18+)

නමුත් මේ ලියන්නේ  ඒ වගේ එකක් ගැන නෙවේ. සත්‍ය සිදුවීමක්. සැමෝටම වෙන්න පුලුහන් අකරතැබ්බයක්, දොස්තරලාගේ නොසැලකිලිමත් කම ගැන.  ඒ නිසා හැමෝම මේ ගැන විමසිලිමත් උනොත් හොඳා. මේක වෛද්‍ය විද්‍යාව ගැන පොස්ට් එකක් නොවයි.

මතක ඇති නේ අපේ පොඩි එකා මේ වසරේ ජනවාරි මාසේ අත කඩා ගත්තා. මෙන්න මේ ලිපියට ගිහින් බලන්න පොලිසියෙන් කලා පොළ කයි එකා අත කඩාගෙන ඉන්න ෆොටෝ එකක් දෙකක් එකේ තියෙනවා. ඒ සැරේ අත කඩා ගත්තා කීවට එක බොහොම සුළු අස්ථි බිඳීමක් (hairline fracture) ඒ කියන්නේ අස්ථියක ඇතිවන ඉතාම සුළු ඉරි තැලීමක්. එවැනි අවස්ථාවක කරන්නේ ඒ අස්ථිය පිහිටි කොටස  නොසෙල්වන සේ තබා, කැල්සියම් ලබාදීම. එවිට සති කිහිපයකදී එම ස්‌ථානය  වැසි යනවා.

ඔන්න ඉතින් දැනුයි කතාව පටන් ගන්න යන්නේ, ඔය කලින් කිව අස්ථි බිඳීම පොඩිඑකාට මදි උනාද මන්දා, සැප්තැම්බර් මාසේ 6 වෙනිදා මේකා අපහු අත කඩා ගත්තා. පාසැලේ සිට මට දුරකථන ඇමතුමක් ලබාදුන් ගුරුවරයෙක් කියා සිටියා "පුතා  පාසලේදී  වැටිලා වහාම එන්න" කියා. ඉතින් මගේ ඔෆිස් එකේ ඉඳන් කොලුවගේ පාසැලට තියෙන්නේ හුවක විතර දුරක්. ගිහි බලනකොට වැටුන පාරට අපහු අත කැඩිලා.  වහාම x-කිරණ සටහනක්  ලබාගත්තා. මේ තියෙන්නේ ඒක.

කොහොමද වැඩේ ඇට දෙකම කැඩිලා. වහාම ජාතික රෝහලේ හදිසි අනතුරු ඒකකයට ඇතුල් කළා. එදිනම රාත්‍රී 12.00 ට පමණ මේ කැඩුණු අස්ථි නැවත සකස් කරලා ප්ලාස්ටරයක් (POP) දැම්මා.

ඔය අවසානයට තියෙන්නේ POP එක දැමීමෙන් පසුගත් x-කිරණ සටහන. හොඳින් බලන්න එහි එක අස්ථියක් නියමාකාරයෙන් සවි වී නොමැති බව පැහැදිලිව පෙනෙනවා.

පසු දින උදේ විශේෂඥ වෛද්‍යවරයා ගෙන් මේ ගැන විමසු විට ඔහු කියා සිටියේ මෙය ඉතා සාර්ථ බවයි. ඔහු සමග සිදු වූ සංවාදය මේ ආකාර උනා.

මේ x-කිරණ සටහනට අනුව එක අස්ථියක් නියමාකාරයෙන් සවිවී නැහැ මේ ගැන ඔබ මොකක්ද කියන්නේ?

අස්ථි දෙකම නියාමාකාරයෙන් සවි කිරීම අනවශ්‍යයයි , මෙය ඉතා සාර්ථකයි.

එසේ නම් එක අස්ථියක් පමණක් බිඳුන රෝගියෙක් පැමිණි විට ඔබ එම අස්ථිය යතා තත්වයට පත් කරන්නේ නැතිද?

එවිට අපි එම අස්ටිය නියමාකාරයෙන් සකස් කරනවා.

එසේනම් ඔබ මෙහිදී අස්ථි දෙකම නියමාකාරයෙන් සකස් නොකළේ ඇයි?

අස්ථි දෙකම නියාමාකාරයෙන් සවි කිරීම කලනොහැකියි, අස්ථි දෙකම බිඳුන විට අප කරන්නේ එක අස්ථියක් නියමාකාරයෙන් සකස් කිරීමයි,
එසේනම් දැන් ඔහු පසුවන්නේ එක අස්ථියක් බිඳුන කෙනෙකුගේ තත්වයෙන් නොවේද? ඔබ නැවත දිනක එම අස්ථිය යතා තත්වයට සකස් කරනවාද?

එසේ කරීමට අවශ්‍ය නැහැ, එක කාලයත් සමග හරියාවි.

දැන් ඉතින් මගේ මල ඉතා හොඳින් පැන ඇත, දොස්තරයා ගේද පුෂ්පය විකසිත වීමට ආසන්නව ඇති බව මට දැනුනි. මේ සංවාදය මෙතම් දුරක් හෝ පැවැත්වීමට හැකි වුයේද  සුද්දාට පින් සිදුවන්න උගේ භාෂාව භාවිතා කල බැවිනි. තව දුරටත් මේ සංවාදය පැවැත් වීමෙන් සිදු වන්නේ අනිවාර්යයෙන් දොස්තරගේ කන හරහා පහරක් ගැසීමට සිදුවීමත්, එහි අතුරු ප්‍රතිපල ලෙස රිමාන්ඩ් බන්ධනාගාරය පිලිබඳ බ්ලොග් සටහනක් ලිවීමට සිදුවීමත් බව වැටහුණු නිසා සංවාදය එතකින් නිමා කරන ලදී.


දැන් ඉතින් දින 5ක් දිවා රාත්‍රී රෝහලේ ගත කරන්න උනා. මුන්ගේ වැඩ ගැන කිසිම ලෙසකින් සෑහීමකට පත්වීමට නොහැකි නිසා, විටින් විට ඔහුගේ ඇඟිලි වල රුධිර ගමනාගමනය සිදුවන ආකාරය නිරීක්ෂණය කරමින්, සැක සහිත අවස්ථාවන් වල හෙදියන්ට දන්වමින් එම දින 5 ගත කළා. 

රෝහලෙන් පිටවූ වහාම නැවත කලේ x-කිරණ සටහනක් ගැනීමයි. මේ තියෙන්නේ එම සටහන.


එම x-කිරණ සටහනට අනුව, නියමාකාරයෙන් සවි නොවූ අස්ථිය සම්පුර්ණයෙන්ම විසන්දී වී ඇති ආකාරය පැහැදිලිවම දක්නට ලැබෙනවා. ඉන් පසු එම x-කිරණ හටහන විශේෂඥ වෛද්‍යවරයා වෙත පෙන්වූ  විට ඔහුගේ පිළිතුර පෙර පරිදිම උනා. 

මෙම විශේෂඥ වෛද්‍යවරයා වන්නේ  වෛද්‍ය ප්‍රදීප් ෆර්නැන්ඩෝ. 

මේ x-කිරණ සටහන් වලට අනුව කොළඹ ජාතික රෝහල මගින් ලබාදුන් ප්‍රතිකාර පිලිබඳ  කිසිසේත් සෑහීමකට පත්වීමට නොහැකියි. ඒ නිසා මේ සියලුම x-කිරණ සටහන්, වෙනත් රෝහලක විකලාංග ශල්‍ය වෛද්‍ය විශේෂඥවරයකු වෙත යොමු කළා. 

එවිට ඔහු කියා සිටියේ,ජාතික රෝහලේ සිදුකල ක්‍රියාව සම්පුර්ණයෙන්ම අසාර්ථක බවත්, එලෙස එම අස්ථින් සවිවිමට ඉඩ ලබා දුනහොත් රෝගියාට කිසිදිනක තම අත හැරවීමට නොහැකි  වන බවත්ය. ඔහුගේ අදහස උනේ වහාම ශල්‍ය කර්මයක් කොට අස්ථි දෙක නියමාකාරයෙන් සකස් කොට ඇට මිදුළු හරහා K-wire නම් වන කම්බි දෙකක් ඇතුල් කල යුතු බවත් මාස 6 ට  පමණ පසු එම කම්බි දෙක ඉවත් කිරීමට හැකි බවත්ය. ඒ අනුව ඔහු කෙරෙහි සම්පුර්ණ විශ්වාසය තබා එම ශල්‍ය කර්මය සිදු කිරීමට අවසර ලබා දුන්නා. ඔහු විසින් එදිනම සවස පැය 2 ක පමණ කාලයක් වැය  කරමින් සාර්ථක ලෙස එම ශල්‍ය කර්මය සිදුකලා. මේ තියෙන්නේ ඊට පසු ලබාගත් x-කිරණ සටහන. (ජාතික රෝහලේ ක්‍රියාව පිළිබඳව, වෛද්‍ය ප්‍රදීප් ෆර්නැන්ඩෝට එරෙහිව  නීතිමය පියවර ගැනීමට බලාපොරොත්තුවන නිසා දෙවන වර ශල්‍ය කර්මය සිදුකල රෝහල හෝ වෛද්‍ය විශේෂඥවරයා පිළිබඳව මෙහිදී සඳහන් නොකරමි)



එම ශල්‍ය කර්මයෙන් පසු දාමු POP එක ඉවත් කලේ දැනට සුමාන දෙකකට කලින්. දැන් ඔහුට දිනපතාම භෞතචික්තිසාව (physiotherapy) ලබාදීම සිදුවෙනවා. එය දිනපතා මාස දෙකක් පමණ කාලයක් ලබාදිය යුතු බව තමයි පවසන්නේ.

දැන් කාලයේ හැටියට නම්  වෛද්‍යවරයකු වෙත යාමට පෙර රෝගියා සහ ඥාතින් රෝගය පිළිබඳවත් එයට ලබාදිය යුතු නිවැරදි ප්‍රකිකාර පිළිබඳවත් යම්  හෝ දැනුවත් වීමක් ලබාගැනීම වඩාහොඳ බව මගේ පුද්ගලික වැටහීමයි.

ඔන්න ඔය සිදුවීම නිසා තමයි පහුගිය මාස දෙකක පමණ කාලයක් මේ පැත්තේ  ගොඩවෙන්න නොහැකි උනේ. ඒ කාලය තුල බොහෝ දෙනක් මා ගැනසොයා බැලුවා. සමහර අය ඊමේල් වලින් වගේම, දුරකතනයෙන් පවා විටින් විට කතාකලා. මගේ ඊමේල් සහ දුරකථන අංක නැති අය කමෙන්ට් වලින් සොයා බැලුවා. ඒ සැමෝම දැක්වූ සහෝදරත්වය ඉතා අගය කරනවා.

76 comments:

  1. මේ අත්දැකීම බෙදා ගැනීම හරිම වටිනවා.. දොස්තරලා නිසා ලෙඩ වැඩි කර ගත් අය, ‍ජීවිතයත් නැති කර ගත් අය කොයිතරම්ද? ඒ අතර දෙවිවරු වගේ වෛද්‍යවරුත් ඉන්නවා...

    ReplyDelete
    Replies
    1. ඔව්. පහුගිය ටිකේ මේ වගේ සැත්කම් කොච්චර සිදු වුණා ද?

      Delete
    2. දෙවෙනියට සැත්කම කල දොස්තර ඒ වගේ ඉතාම හොඳ කෙනෙක්.

      Delete
  2. මෙහෙම දොස්තරලට එරෙහිව නීතිමය ක්‍රියාමාර්ග ගැනීම තමයි කලයුතු නිවැරදිම දේ.
    කලබල වෙලා වැඩකරන්න ගියොත් අපි පොලිසි යන එක විතරක් නෙමේ.දොස්තර සංගමය වැඩ වර්ජනය කරලා තවත් අහිංසක ජිවිත ටිකක් මාරයා ගාවට යවයි.

    පොඩි එකට ඉක්මන් සුව පතනවා. ..!

    ReplyDelete
    Replies
    1. ස්තුතියි මනෝජ්

      Delete
  3. මේ වගේ එකක් ඇහුව නම් කොහොමද ?

    "මම දැන් ඔබතුමාගේ අස්ථි දෙකත් බිඳින්නම්. එතකොට බලමු දෙකම හදනවද කියලා ?"

    ReplyDelete
    Replies
    1. හරියටම් හරි සුදික, එක තමයි අහන්න තිබ්බේ.

      Delete
  4. හප්පෝ මදැයි, දැන් ඉන්න දොස්තරලා ගැන දන්නවනම් සොක්‍රටීස් දිවිනහ ගන්නවා. අර අචලා කියන ශිෂ්‍යාවගේ අතක් කපලා කිව්වේ ඔය විදිහේ වැරදීම් සාමාන්‍යයෙන් වෙනවා කියලා

    ReplyDelete
    Replies
    1. ඒ විතරක් නෙවේ ඉවාන්

      හෙදියන් ගැන දැනගත්තොත් නය්ටින්ගේල් කම්පා වෙනවා..

      Delete
  5. යකඩෝ මා සිතා සිටියේ කොළඹ මහරොහල හදිසියට යන්න ඉතා යහපත් තැනක් ලෙසටයි දැන් බලාගෙන යනකොට මෙලො යකෙක් විස්වාස කොරන්ට බැහැනේව...ඔබගේ පුතාට ඉක්මන් සුවය පතමි...!!

    ReplyDelete
    Replies
    1. හදිසියට යන්න නම් ඉතා හොඳ තැනක්, නමුත් වැඩේ වෙන්නේ නැහැ... :D

      Delete
  6. පුතාට ඉක්මන් නිසි සුවය පතනවා !
    මේ ලිපියේ පිටපතක් මම ජාතික රෝහලේ දැනට ඉන්න සහ මට නිතර හමුවන වෛද්‍යවරයෙකුට දුන්නට කමක් නැද්ද ?

    ReplyDelete
    Replies
    1. ස්තුතියි වෙනි, දන්නා කියන හැමෝම සමග මෙය බෙදා ගන්න. එය තමා විය යුත්තේ.

      Delete
  7. පුතාට ඉක්මන් සුව පතනවා. දැන් විශේෂඥ යෝ පවා විස්වාස කරන්න අමාරුයි. ඒ වගේම දෙවිවරු වගේ අයත් ඉන්නවා. වැරදීම් වෙන්න පුළුවන් නමුත් එවැන්නක් වුනාම වැරැද්ද පිළිගෙන නිසි ප්‍රතිකාරයට යා යුතුයි. මම නම් දැන් දොස්තර කෙනෙක් ගාවට යන්නේ අදාළ දේ ගැන අන්තර්ජාලය පීරලා ඉවර වෙලා ලෙඩේ ගැන දැනගෙන. ඒ වගේම දොස්තර ගැනත් හොඳට සොයලා. මට ලොකු හානියක් නොවුනත් දොස්තරලා ගේ දැනුම පිළිඹඳ අත්දැකීම් කිහිපයක් තියෙනවා.

    ReplyDelete
    Replies
    1. ස්තිතියි විශ්ව,

      මෙතන මම දකින දේ තමයි දොස්තරලාට ප්‍රමිතියක් නැතිවීම. එකම ක්ෂේශ්ත්‍රයක විශේෂඥ දොස්තරලා දෙන්නෙක් එක ලෙඩෙක් ගැන තීරණය කරන්නේ දෙයාකාරයකට. මම එය දකින්නේ ප්‍රමිතියක් නැති කම ලෙසයි. වෙනත් ඕනෑම වෘතිකයෙක් ඇති මේ දේ සිදු වන්නේ නැහැ. උදාහරණයක් ලෙස ගනකාධිකාර වරු හට ප්‍රමිතියක් තියෙනවා, ඒ නිසා ඕනෑම ආයතනයක මුල්‍ය වාර්තා මොන ගනකාධිකාර වරයෙක් අතින් සිදු වුවත් එකම ප්‍රමිතියකට ලැබෙනවා. අනිකුත් ක්ෂේශ්ත්‍ර වලද එලෙසමයි. නමුත් මේ දෙය දොස්තරලා අතර දකින්නට නැහැ.

      Delete
  8. උගේ ආච්චිට හාල් ගරන්න යකෝ...
    ඕකගේ එක අතක් කුඩු වෙන්න දෙන්න තියෙන්නේ ගිහින්... දෙකට කැඩුනට පස්සේ එක පැත්තක් විතරක් හයිකරලා තිබ්බම ඌටම තේරෙයි සනීපේ!!!

    මල්ලිට ඉක්මන් සුව..

    ReplyDelete
    Replies
    1. සම්පුර්ණ ඇත්ත.

      Delete
  9. උගේ ආච්චිට හාල් ගරන්න යකෝ...
    ඕකගේ එක අතක් කුඩු වෙන්න දෙන්න තියෙන්නේ ගිහින්... දෙකට කැඩුනට පස්සේ එක පැත්තක් විතරක් හයිකරලා තිබ්බම ඌටම තේරෙයි සනීපේ!!!

    මල්ලිට ඉක්මන් සුව..

    ReplyDelete
    Replies
    1. ස්තුතියි, මොකද මේ එකම කොමෙන්ට් එක දෙපාරක්?

      Delete
  10. යකෝ දැං දොස්තරයෙක්ගෙන් බෙහෙත් ගන්න යන‍කොට මෙඩිකල් සයන්ස් ගැන ඉගෙනගෙන යන්න එපැයි. නැත්තං එහෙම මොනව කොහාට හයිකරයිද දන්නෑ.

    පුතාට ඉක්මන් සුවය පතනවා.

    ReplyDelete
    Replies
    1. අපෝ ඔවු ප්‍රසන්න අපි ලෙඩේ ගැන සපුර්නයෙන්ම දැනුවත් වෙලා යන්න ඕන බෙහෙත් ගන්න යනකොට. නැත්නම් ඉවරයි. එකත් හරියට වාහනයක් ගැරේජ් එකකට හදන්න දානකොට වාහනේ තියෙන ලෙඩේ ගැන දැනගෙන හිටියේ නැත්නම් ඉවරයි වගේ තමයි.

      Delete
  11. ඔයා වගේ කෙනෙක් නොවී අන්ත අසරණ මිනිහෙක්ට ඔහොම දෙයක් උනා උඩ ඉන්න දෙවියොත් නැහැ.. අන්න එතනයි ගැටලුව.. ඒ නිසා ඔය වගේ අයගේ ගමන නවත්තන්න.. තව දාස් ගණනකගේ ජීවිතේ බේරේවි ....

    කරන්න තියෙන හැම දේම කරන්න අය්යේ...

    ReplyDelete
    Replies
    1. නමුත් මල්ලි මුන්ට විරුද්දව නීති මාර්ගයෙන් කටයුතු කරණ එකත් එතරම් පහසු නැහැ. මුන්ට විරුද්ධව ශාක්ෂි ලබාගන්න තියෙන්නෙත් දොස්තරලාගෙන්ම නේ, එකත් හරියට හොරාගේ අම්මගෙන් පේන අහනවා වාගේ තමයි.

      Delete
  12. හපොයි දෙයියනේ, මන් හිතුවේ අයියේ මුලින් කර සැත්කමෙන් පස්සේ දරුවට සනීපවෙන්න ඇති කියලා, ඔයවගේම තිරිසන් දොස්තර කෙනෙක් නිසා මගේ නෝනාගේ පුංචිගේ පුතෙක් සධාකාලික ආබ්බගාත වෙලා ඉන්නවා, කොන්දෙන් වතුර ඇදල බෙහෙත් කරන්න වැරදිලා
    පුළුවන් ඉහලම විදියට මුන්ට නීතිමය පයවර ගන්න ඕන, මිනිස්සුන්ගේ ජිවිත එක්ක සෙල්ලම් කරනවට..
    සමාවෙන්න ඒ දවස්ටිකේ කරදර කරාට.

    ReplyDelete
    Replies
    1. සමාවෙන්න කියන්න දෙයක් නැහැ මලේ, ඔයාගේ සහෝදරත්වය මම ඉතා අගය කරනවා.

      Delete
  13. ඔහොම මිනිස්සුන්ට එරහිව නම් නීත්‍යානුකූලව කටයුතු කරන්නම ඕන.
    ඔතන ලොකුම ගැටළුව ඔබ කිවුව විදියටම ඔහු ඔබත් එක්ක ඔහොම හරි කතා කලේ කඩ්ඩෙන් කොටපු නිසා ඒත් ඉංගිරීසී බැරි අසරණ නූගත් ගැමියනට මොහුන්ගේ සැලකීම කෙසේ විය හැකිද???? :-/

    ReplyDelete
    Replies
    1. සිංහලෙන් කතා කලානම් උන් කතා කරන්නෙත් නැහැ.

      Delete
  14. කිව්වත් වගේ හොදයි කියන තැන්වල මෙහම නම් පොඩි ඉස්පිරිතාලවල ඉන්න අය ගැන හිතාගන්න පුළුවන්. යකඩ මල්ලේ ගුල්ලෝ නම් හාල් මල්ලේ ලොවෙත් ඉන්නවා නේ

    ReplyDelete
    Replies
    1. නමුත් කලාතුරකින් ඉතා හොඳ අයත් ඉන්නවා.

      Delete
  15. මිනිස්සුන්ට සළකන්නෙ තිරිසන්නුන්ටත් අන්ත විදිහට. හොස්පිට්ල් එකකට යන්න නම් හොඳ ශරීර සෞඛ්‍යෙයන් යුක්ත කෙනෙක්ම වෙන්න ඕනෙ.

    ReplyDelete
    Replies
    1. හොඳ ශරීර සෞක්‍යයෙන් යුක්ත නම ඉස්පිරිතාලේ යන්නේ අහවල් දෙයක් කොරන්නද?

      Delete
  16. මොනව උනත් අයිලාෂ් කරපු වැඩෙයි කරන්න ඉන්න වැඩෙයි දෙකම වැදගත්. හදිසි කෝපය හින්ද ගහන්න ගියා නම් අයිලාෂ්ගේ තත්වේ නැති වෙනව. හැබැයි ඔය වගේ උන්ට නිකම් ඉන්න දුන්නොත් තව ලෙඩ්ඩු අමාරුවේ දානවා. බාප්පද දාන්නේ නෑ ස්පෙෂලිස්ට් පට්ටම දුන්නේ.
    .
    පොඩ්ඩට ඉක්මන් සුවය ප්‍රාර්ථනා කරනවා.

    ReplyDelete
  17. උඹ කරපු වැඩේ නොවෙන්න අහිංසකයගේ අතට මොකද වෙන්නෙ,ඔවැනි වෛද්‍යවරුන්ට විරුද්ධව කරන්න තියෙන හැමදේම කරන්න.

    ReplyDelete
    Replies
    1. ස්තුතියි මචෝ, දොස්තරලා මේ තත්වෙට පත්වෙලා ඉන්නේ සමාජයේ වරදින්. පොඩ්ඩක් හිතපන් උන්ට තියෙන්නෙත් මුලික උපාධියක්. මුලික උපාධිය තියෙන උන්ට එළවලු ගන්න කඩේ ගියත් අමතන්නේ ඩොක්ටර් කියලා. ඔතන තමයි වරද. ඩොක්ටර් කියන්න ආචාර්ය උපාධියක් තියෙන්න ඕන.

      Delete
    2. Even Vets and Dentists are "Dr"s here!

      Delete
    3. ආචාර්ය උපාධියක් ඇති අයට හැර අනිත් අයට ඩොක්ටර් කියා ඇමතීම නවතා දැමීමට සමාජ කතිකාවක් ඇතිකළ යුතු කාලයක් මේ.

      Delete
  18. හපොයි පොඩි එකා... ඉක්මන් සුවය පතනවා...
    දොස්තරයට නඩු දාන්ට තමයි ඕන... ආය මේ වගේ අපරාද වැඩ නොකරන්ට. දොස්තරයා චැනල් කරලා ඔය එක්ස් රේ එක වෙන කෙනෙක් අතේ යවලා බලන්ට..ඌ කියයි වෙන කතාවක්!

    ReplyDelete
    Replies
    1. ඇත්තම තමයි, එහෙම උනොත් ඕකා කියන්නේ වෙන දෙයක්. නමුත් ලක්ෂ ගානක් වියදම් කත අවසානයේ ප්‍රතිපලය මෙයම විය හැකියි.

      Delete
  19. මට පෙන්නම බැරි උන් තමයි ඔය දොස්ත්හොරු. කොහොමත් ඉස්පිරිතාල වල එවුන් ඔක්කොම එක වගේ උන් හිතාගෙන ඉන්නේ උන් තරම් දන්න එවුං නැ කියලා. පුළුවන් දෙයක් කරලා ඕකා දවස් 2ටවත් යවපන් අයියේ හිරේ.

    ReplyDelete
    Replies
    1. සම්පුර්ණ ඇත්ත. උන් හිතාගෙන් ඉන්නේ වෙනම ජාතියක් කියලා. මටනම් පුන් පෙනෙන්නේ හරක් වගේ එකනේ මුන්ගේ වාහන වලත් හංවඩු ගහලා තියෙන්නේ.

      Delete
  20. ලෙඩක් ගැන දැනගත්තාම පුලුවන් තරම් කියවලා ඒ ගැන දැනුවත් වෙන එකත් වැදගත්. එතකොට තමන්ට ඕනි ප්‍රශ්නයක් උණත් දොස්තරගෙන ඇහුව හැකි. ලංකාවේ දොස්තරලාට ලෙඩ්ඩු එක්ක කතා කරන්ට වෙලා නැති එක තමයි ලොකුම ප්‍රශ්නේ.

    පොඩ්ඩගේ මූනේ තියෙන වේදනාව දැක්කාම දුක හිතෙනවා. :(

    පොඩ්ඩගේ මූනේ තියෙන වේදනාව දැක්කාම දුක හිතෙනවා.

    ReplyDelete
    Replies
    1. මොකද වෙලාව නැත්තේ? මුන් වෙලාව නැහැ වගේ පෙන්නනවා.

      Delete
  21. හ්ම්... මේ ගැන අගතියට පත් පාර්ශවය පැත්තෙන් උපරිමය කිරීම අවශ්‍යයි. මොකද හුගක් අය එහෙම විරුද්ධව නැගී නොසිටීමම මේ වෛද්‍ය සේවය වල පල්ලට යෑමට ඉඩ සලස්වනවා. ඉක්මන් සුවය පතමි...

    ReplyDelete
    Replies
    1. ස්තුතියි දේශකයෝ.

      Delete
  22. ඔන්න මම ඊයේ දාපු කමෙන්ට් එක ස්පෑම් වෙලා සුපුරුදු විදියට.
    මම පුතාට ඉක්මන් සුව පතනවා නැවතත්.

    ReplyDelete
    Replies
    1. ස්තුතියි හෙන්රි,

      උඹේ කමෙන්ට් එකක් ස්පෑම් වල නැහැ.

      Delete
  23. අපොයි! අඩු ගානෙ වැරැද්ද පිලිගත්තනං මොකද වෙන්නෙ? මේක නොදැනීම වෙන්න බෑ. නීතිමය ක්‍රියාමාර්ගයක් ගනිං අනිවාර්යෙන්ම. මුදල් අවශ්‍යතාවයක් තියනව නං කියපං එකතු කරල හරි දෙන්නං. මොකද ලෙඩෙකුට ආධාර කිරීම තරම්ම වැදගත් මේවගේ එවුන්ට විරුද්ධව නීතියෙන් ක්‍රියාමාර්ග ගැනීමත්.

    ReplyDelete
    Replies
    1. ස්තුතියි මචං, මුන් එක්ක නඩු කියන එකත් ලේසි වැඩක් නෙවේ, මුන්ට විරුද්ධව සාක්ෂි ගන්න වෙන්නෙත් තව ඒ ජාතියෙම් එකෙක්ගෙන් නේ . හොරාගේ අම්මගෙන් පේන අහනවා වගේ වැඩක්.

      Delete
  24. *රි ඩොකෙක් ළමයෙක් පොඩි එකෙක් කියලවත් මු හිතල නැහැනේ අවලමා.මේ වගේ එකෙක් හින්ද තමයි මගේ ගෑනි තවමත් දුක් විඳින්නේ හරියට ඇවිදගන්න බැරිව.

    ReplyDelete
    Replies
    1. උඹගේ වෛෆ්ට වෙදකම් කරපු එකාගේ නම දාල ඒ විස්තර සහිතව පොස්ට් එකක් ලියපන් අඩු ගානේ මේ වගේ උන් ගැන වෙනමම සයිට් එකක් හදලා දැන් ඕන මචෝ. හරියට අර crib එක වගේ. පුළුවන් නම් ඒ වැඩේට අත ගහපන්.

      Delete
  25. මචං හිතහං ඕක මට උනා කියලා ,

    මට ඌට ඉංගිරිසියෙන් කතා කරන්නත් බැ
    පුද්ගලික රෝහලකට යන්න සල්ලිත් නැ
    සදාකාලික අබ්බගාතයෙක් විදිහට ජීවත් වෙන්න වෙනවා
    එහෙම අතපය ඇද කරපු පොඩි ළමයි හිටං කොච්චර ඉන්නවද
    ඔයා මේ කරන්න යන්නේ මේ රටේ අසරණ මිනිස්සු වෙනුවෙන් රත්තරං වැඩක්
    සමහරක් විට නිතියේ තියන හිඩැසකින් ඔය වල් බල්ලා රිංගලා යයි
    පත්තරේ නම වැටෙන විදිහට වැඩේ කරහං
    හත් අටපාරක් උසාවි දක්කපං, මේ රට යන විදිහට ඒකත් ලොකු ජයක්ග්‍රහනයක්

    අතඅරින්න එපා ඕකගේ දොස්තර පට්ටම ගලවලා ගෙදර අරින්ඩ උඹට ශක්තිය ධෛහිර්ය ලැබෙන්ඩ කියලා අටම ප්‍රර්ථනා කරනවා

    දන්න දන්න අය අතරේ මේක බෙදලා ඇරියට කමක් නැද්ද

    ReplyDelete
    Replies
    1. දන්නා හැමෝම අතරේ බෙදා හැරපන් මචෝ, මුගේ නම හැම එකාම දැනගන්න ඕන.

      Delete
  26. කැඩුම් බිඳුම් වෙදමහත්තයෙක් නම් ඔය කතාව කියන්නෙ නෑ කවදාවත්.අපි පොඩි කාලෙ නම් යනව ඔයවගෙ දෙයක් වුනහම වීදාගම පන්සලේ ඉන්න හාමුදුරුවො ලඟට .බොහොම ප්‍රසිද්ධයි කැඩුම් බිඳුම් වලට.කරන දේ හරියටම හරි.මම අහල තියනව ඔය වගෙ ඇදේට ඉස්පිරිතාල වල හදපුවා ආයි කඩල එක්ස් රේ මොකුත් නැතුව හදන වෙද මහත්වරු ගැන.

    ReplyDelete
    Replies
    1. සම්පුර්ණ ඇත්ත කුමාර.

      Delete
  27. පුතාට ඉක්මන් සුවය පතන ගමන් උඹ කරන්න යන සද් කාර්යයෙන් ජයම වේවා කියලා පතනවා. අනිත් මිනිස්සු ගැන නොතකන ඔහොම උන් දොස්තරලා වෙන එක, අංගුලිමාලලා දාහක් එක වර බිහි වෙනවටත් වඩා භයානකයි..

    ReplyDelete
    Replies
    1. ස්තුතියි සෙන්නා.

      Delete
  28. ඉක්මන් සුවය ලැබේවා..

    උඹ මේක ලියපු එකම පිනක් බං..

    ගොඩක් අස්ථි බිදීම් වලදි රජයේ රෝහල් වල එවුන් කරන්නේ ඔතල ගෙදර එවන එක විතරයි .....

    ReplyDelete
    Replies
    1. ස්තුතියි සෑම්, දැන්නම් මටත් හිතෙන්නේ ඔයා කියන දේ වෙනවා කියලා.

      Delete
  29. පළමුව පුතාට ඉක්මන් සුවය පතමි. ඔබ මෙන්ම මම ද දැන් බ්ලොගය අතහැර දැමුවා සේය. ඒ තරමටම අවිවේකීය. මේ සිද්ධිය ගැන ඔබ නෛතිකව කටයුතු කරන්නේ නම් මේ සිද්ධිය මාධ්‍ය හරහා ලොවට කියන්නට ඔබට සහාය දෙන්නම්. අධිකරණය තුළ දී සිදුවෙන දේත් එක්කම. නොඑසේ නම් පියෙකුගේ කතාවක් ලෙස මේ කතාවම වුව මට ප්‍රචාරයක් කළ හැකියි. අර ප්‍රියානී ද සොයිසා කළෙත් මේ වගේ දෙයක් තමා රියන්සි අර්ස කුලරත්න නිතිඥ තුමාට. ඕනම විදියකින් මාත් සහායක් දෙන්නම්. මේ ලිපිය කියවන්නෙත් කෝච්චියේ යන කාලයේදීයි අයිලාෂ්. තොරතුරු සොයා නොබැලුවාට සමාව.

    ReplyDelete
    Replies
    1. ස්තුතියි නලින්, හැකිනම් මෙය පත්තරයේ පල කරන්න. මේ දේවල් සමාජය දැනගන්න ඕන.

      Delete
  30. අනිවාර්යෙන්ම නීතිමය ක්‍රියාමාර්ගයකට යන්න...මේ වගේ බොරු උපදෙස් දෙන දොස්තරලා සමාජයට පිළිලයක්...ඈත පළාතක අසරණ දෙමාපිය යුවලකට මේ අව නඩුව උනා නම් ඒ අය දොස්තරගෙ කීම පිළිඅරන් නිකං ඉදියි නේද ?

    ReplyDelete
    Replies
    1. ස්තුතියි සිරා, බලමු දිරියේදී කල හැක්කේ කුමක්ද කියා.

      Delete
  31. ඔබේ පුතාට වුන දේට කනග‍ටුයි.ඔහුට ඉක්මන් සුවය පතනවා. ඔය ජරා දොස්තරට විරුද්දව උපරිම ක්‍රියා මාර්ගයක් ගන්න ශක්තිය ලැබේව කියා පතනවා. මොකද වුනේ කියල තව පොස්ට් එකකින් අපිව දැනුවත් කරන්න.

    ReplyDelete
    Replies
    1. ස්තුතියි මානෙල්.

      Delete
  32. මම මේක යාළු ඩොකෙකුට පෙන්නුවා....ඌ අහනව අර ඩොකා ගංජා ගහලද හිටියේ කියලා.....

    අයිලාෂ්.....පුතාට නිදුක් නිරෝගිබව පතමි.....පාසැල් වැඩ එහෙම සෑහෙන්න අතපසු වෙන්න ඇති නේද?

    මගේ උපන් දිනය දවසේම දෙවැනි වරටත් අතකඩා ගත් කොළුවා මට හැම උපන්දිනයකම මතක්වෙනු ඇත.

    ReplyDelete
    Replies
    1. හැක්... හැක්.. ඇත්තටම මට හිතෙන්නේ ඒ වාටුවේ හිටපු දොකාලා ඔක්කොම ගංජා ගහලා කියලා තමයි.

      Delete
  33. මෙවැනි තත්ත්වයන් හදුන්වන්නේ වෛද්‍ය නොසැලකිල්ල (Medical negligence) කියන නමින්. වෛද්‍ය නොසැලකිල්ල සෞඛ්‍ය සේවාවේ නිරත ඕනෑම වෘත්තිකයෙක් අතින් සිදුවෙන්න පුළුවන්. එයට ප්‍රධාන හේතුව තමයි අපේ සෞඛ්‍ය අධ්‍යාපනයේ පවතින අඩුපාඩු. අපේ රටේ සෞඛ්‍ය සේවාවේ උගන්වන්නේ රෝගයට ප්‍රතිකාර කරන්න මිස රෝගියාට ප්‍රතිකාර කරන්න නෙමෙයි. අනිත් අතට අපේ රෝගීන් රෝග පිළිබද නොදන්නා කම නිසා එවැනි වැරදි වලට සහනය ලැබෙනවා.

    ReplyDelete
    Replies
    1. නොසැලකිල්ල කියන්නෙ ඕනම කෙනෙකුට සිදුවෙන්න පුළුවන් දෙයක්. නමුත් නොසැලකිල්ලට වැඩි දෙයක් මෙතන තියනවනේ. අඩුගානෙ ඌ පිලිගත්ත නං වැරැද්දක් වෙලා කියල මේ මනුස්සය මෙච්චර දුර යන්නෙ නෑ නෙව.

      Delete
    2. ස්තුතියි ප්‍රදීප් ඔබගේ අදහස් දැක්වීමට. නමුත් රාජ් කියනවා වගේ මේක අතපසුවීමක්, නොසැලකිල්ලක් විදිහට ගන්න බැහැ. මේ අය සෙල්ලම් කරන්නේ මිනිස්සුන්ගේ ජිවිත සමග. රජයෙන් රුපියල් ලක්ෂ 3ක් පමණ වැටුපක් ලබන මොවුන්, ඒ ලබන වැටුපට සරිලන සේවාවක් ලබා දෙන්නේ නැහැ.

      Delete
  34. පුදුම දොස්තරයෙක්නේ.....නීතිමය පියවර ගන්න එක නම් හොඳයි තමයි.

    පුතාට ඉක්මන් සුව පතනවා...!

    ReplyDelete
    Replies
    1. ස්තුතියි රෙහානි

      Delete
  35. ස්තූතියි මේ ගැන සදහන් කලාට. පොඩ්ඩට ඉක්මන් සුවය ප්‍රාර්ථනා කරනවා.

    ReplyDelete
    Replies
    1. ස්තුතියි ගිහාන්..

      Delete
  36. national hospital eke jarama Dr. kenek thamai mu. mage malligeth hodata thibunu kakula kapanna kiwwa me paraya

    ReplyDelete
  37. ගිය සුමානේ හාට් ඇටැක් එකක් හැදිලා මෙයා මලා.

    ReplyDelete

කොමෙන්ටුවක් දාල ගියොත් හොඳා නේද ?

දැන් ලස්සනට කොමෙන්ට් කල හැක

Image : [im] image url [/im]

scrolling effect: [ma].....................[/ma]

font size: [si="2"]..............[/si]

font color: [co="red"].........................[/co]

centralize the text: [ce]..................[/ce]

scrolling effect in right side: [ma+]......................[/ma+]

box the comment: [box]....................[/box]

mark the comment: [mark].................[/mark]

background effect: [card="blue"].....................[/card]

image to fit the column(100%): [im#]...........................[/im]

Highlight the words: [hi="yellow"].........................[/hi]

මේ සඳහා මඟ පෙන්වීම ඩුඩ් ගෙන් : අහුලා ගැනීම චන්දන ගෙන්

************ *************